प्रीत गहिरो पुरानै कहानी !!!

प्रीत गहिरो पुरानै कहानी नौलो भएर बसेछ !
बात अधुरै रातको, बिहानी स्वप्निल बनेर बसेछ !!

चन्चल ओठ मुस्काउदा युग बित्छ शनै शनै !
मायाको रङ हजार, हजार पुतली रमेर बसेछ !!

जिउनुको अर्थ खोज्दैमा बितेछ जीवन कत्तिको !
हराएर जीवन प्रीतमा कोही, जीवन्त मरेर बसेछ !!

लुकामारी खेल्दै जुन सुख दु:ख गाउछ रित यहाँ !
अङ्गालोमा बेरिई युगल, स्वर्गिय आनन्द रचेर बसेछ !!

अँधेरीमा रम्दै निशा मदमस्त घुम्छिन ‘पवन’सँग !
हरपलमा युग अटाउदै चखेवा, प्रीतमा संगीत भरेर बसेछ !!

पवन मगर
घरबारीटोल, नेपालगन्ज-२, बाँके

Comments (1)

bishnu dhunganaJanuary 17th, 2011 at 11:42 pm

very nice yaar………….
i know you frn…
yastai yastai gajal haru lekhdai garnu la…..
im from bardiya katarniya…….

Leave a comment

Your comment